fbpx

MILAN E I NAVILI

Milan e i Navili

El noster Sìndich, el se deseda una matina, ghe vegn in ment de dervì i navili. 
Magàri se ‘l dormiva fina a mesdì, a l’era mej anca per la salud.
El g’ha de persuad i milanes, che hinn bravi personn, ma un poeu gnucch.
A g’hann de dismett de toeu sù el masnin (macinino o anche macchina scassata) per andà in centro. 
A porten lì le ”polveri sottili”, propri lì in due lù e i sò amis a stan de cà.
Su la cerchia di mur, de tanti cent’ann indrè, del medioevo, a ghe sarà un bel navili cume ai temp de quand – me regordi – a gh’era ancamò el re.

Ghe saran dei bei laghett, i puntisei, purtaran lì anca le sorelle Ghisini e dal Castell purtaran lì la statua del Sant Nepùnemèn, ancamò al sò post giust (il ponte di ghisa con le Sirenette e la statua di S. Nepumuceno che era a Porta Romana).
E se propri a vun ghe scapa de’ndà in centro istess, che ‘l se tirà foeùra la patente nautica. 
I turisti, al post den’dà a Rimini, dòpo che in andà in domm, andaran a S. March a fa ‘l bagn. E semper per lòr, i turisti, cumpraremm di gòndul de plastica che fann a Shangai. Un’ideona saria anca de mettegh el barchett de Boffalora, minca dei legnn, come i temp indrè, ma tutt bel, nov e luster, e l’omm che le mena in del navili, cunt el capell de marinar (Il “Barchett” faceva servizio passeggeri, quasi come i battelli a Venezia). 
Pensa che bell, in la festa, al post de infògnass in l’autostrada, te vett a la Cassina di Pomm, cun la tua barcheta, te fè la Melchiorre Gioia, el Punt delle Gabelle, S. March, Via Senato, via Mulino delle Armi e poù via …giò della Cunca Varenna, denter in de la darsena, …che de lì te rìvet in del Po in riva al mar, o in del lagh Magiur e in Svissera!

Mett che ghe sia anca un quaj discomud…
Piovarà in su la metro che inscì i treni saran semper nett. In d’una quai stasiun, al post de la scala mobile, ghe sarà la barchetta.
Ghe sarà un poeu de spùsa perché un quaivun ghe vuiarà denter i pel de pomm de tera, el resegùsc del sò banchett del laurà o le dupèra per numer 100 (il n° 100 era la latrina) e infin i fabrich cònt la ròba de trà in la ruera.
Ma ghe sarà ben di regulament……! 

Sì, però, se sa che al numer duu, a la finn, ghe va mai nisùn (n° 2 di Via Filangeri o carceri di S.Vittore).
E pussè gròsa a l’è la magagna, pussè l’è gròs l’azzeccagarbugli (un bel avvocatone).

Va ben, ma se guardum tüscòss, se farà mai nient de noeuf e ciau anca a Milan e i Navili.

Insomma, i rob o se fann, o se fann nò!
A ghe de vòregh, una mòta de danee, ma per el Sala, a l’è minga un problèma, el g’ha ancamò de tirà i cunt de l’Expo
Se sa che se poeu, i rob bei in cumè i donn, pussè in bei e pussè custen a mantegnii.

Dighel ai to amis