fbpx

I NAVILI

progetto navili

El noster sìndich, el sé deseda una matina, ghe vegn in ment de dervì i navili.  Magàri se’l dormiva fina a mèsdì, a l’era mei anca per la salud. El gha de persuad i milanes, che in bravi personn, ma un poù gnucch.

A  g’hann de dismett de t’ho sù el masnin [ macinino del caffe, ma anche automobile un po’ scassata ] per andà in centro. A porten lì le ”polveri sottili”, propri lì in due lù e i soò amis a stan de cà.

Su la cerchia di mur (de tanti cent’ann indrè) del medioevo, a ghe sarà un bel navili, cume ai temp de quand, me regordi, a ghera ancamò el re.

Ghe saran dei bei laghett, i puntisei, purtaran lì anca le sorelle Ghisini e dal Castell purtaran lì la statua del Sant Nepùnemèn [ il ponte di ghisa con le Sirenette e la statua di S. Nepumuceno che era a Porta Romana ], ancamò al sò post giust.

E se propri a vun ghe scapa de’ndà in centro istess, che’l se tirà foeùra la patente nautica. I turisti, al post den’dà a Rimini, dòpo che in andà in domm, andaran a S. March a fa ‘l bagn. E semper per lòr, i turisti, cumpraremm di gòndul de plastica che fann a Shangai.

Un’ideona saria anca de mettegh el Barchett de Boffalora, minga dei legnn, come i temp indrè, ma tutt bel, nov e luster, e l’omm che le mena in del navili, cunt el capell de marinar. [ il “Barchett” faceva servizio passeggeri, quasi come i battelli a Venezia ].
Pensa che bell, in la festa, al post de infògnass in l’autostrada, te vett a la Cassina di Pomm, cun la tua barcheta, te fè la Melchiorre Gioia, el Punt delle Gabelle, S. March, Via Senato, via Mulino delle armi e poù via …giò della Cunca Varenna, denter in dela darsena, …che de lì te rìvet in del Po in riva al mar, o in del lagh Magiur e in Svissera!

Mett che ghe sia anca un quai discomud. Piovarà in su la metro (che inscì i treni saran semper nett!). In d’una quai stasiun, al post de la scala mobile, ghe sarà la barchèta.

Ghe sarà un pù de spùsa perchè un quaivun ghe vuiarà denter i pel de pomm de tera, el resegaùsc del sò banchett del laurà o le dupèra per numer 100 [ n° 100 era la latrina ] , e infin i fabrich cònt la ròba de trà in la ruera
Ma ghe sarà benn di regulament……! 

Sì, però, se sa che al numer dù [ n° 2 di Via Filangeri , carceri di S.Vittore ], a la finn, ghe va mai nisùn. E pussè gròsa a l’è la magagna, pussè lè gròs l’azzeccagarbugli [ un bel avvocatone ]. Va ben, ma se guardum tùscoss, se farà mai nient de nov…

Insomma, i rob o se fann ben, o se fann nò !

A ghe de vòregh, una mòta de danee, ma per el Sala, a l’he minga un problèma, el ga ancamò de tirà i cunt de l’expo… Se sa che i rob bei in cumè i donn, pussè in bei e pussè custen a mantegnii.

Dighel ai to amis