fbpx

El lockdown

monopattino

A l’è finì el lockdown.

Se truovum sota el bersò del bar ancamò saràa.

Tirum giò (ma dumà un mument!) la mascherina e vedi in facia finalment el Marco, el Giuseppe, che l’era un para de mes che i a lumavi tutt bardà come i banditi.

Mì, che sunt el meno tecnologico di alter, cumenci a fà di dumand pechè sunt curius de savé se l’è el lockdown.

Ma se vor dì a la fin lucchdaun?
[n.d.r. lockdown]
Lucch hu capì che in milanes el vor dì stupidott, ma daun?

“Ma no, a l’è ingles: el vor di giò”.

A l’è per quel che el minister ingles, quel col ciuff , ch’el par el Bobbi Solo biund, el s’é incassà…

“Ma no, quel l’è merican, el Tramp, che l’ha dì che l’è sta un italian a purtà lì el carogna virus…”.

“Ma el s’é sbaglià, el s’è sconfundù cont’el Cristoforo Colombo“.

E adess, che l’è finì stu lucchdaun, se femm?…una bela festa?

“Ma va là, festa. Adess podum andà in gir, fa i cursett, andà in bicicletta, porta a spass el can, o’l gatt, purtà a spass fina la murusa…”.

Ma mi el can ghe l’ù no, la murusa nanca, la bicicletta a l’è in cantina tutta rotta…

A vù fòra, e vedi quei che, in pù bagai, van in gir in monopattin ma duperen pù nanca la gambetta per ruzall perchè el va cun la curent; ma te par una roba seria?

Dighel ai to amis